ថៃ៖ បើតាមប្រភពពីកាសែត Matichon និងបណ្ដាញព័ត៌មានថៃមួយចំនួនបានចុះផ្សាយដោយផ្អែកតាមប្រភពពីប៉ូលិសក្នុងស្រុកថា មានមនុស្ស ៦នាក់ស្លាប់ក្នុងហេតុការណ៍ផ្ទុះអាវុធនៅក្នុងសណ្ឋាគារមួយកន្លែងកណ្ដាលក្រុងបាងកក នៅថ្ងៃអង្គារ ទី១៦ ខែកក្កដានេះ។
យ៉ាងណាមិញ សមត្ថកិច្ចប៉ូលិស និងមន្ទីរពេទ្យក្នុងតំបន់មិនទាន់មានសេចក្ដីបំភ្លឺណាមួយជុំវិញព័ត៌មាននេះនៅឡើយទេ។
គួររំឮកថា កាលពីឆ្នាំមុនមានយុវជនថៃម្នាក់ត្រូវបានប៉ូលិសចាប់ខ្លួន បន្ទាប់ពីបានប្រើកាំភ្លើងបាញ់ប្រហារបណ្ដាលឱ្យជនបរទេស ២នាក់បានស្លាប់នៅផ្សារទំនើប Siam Paragon ក្នុងទីក្រុងបាងកកដូចគ្នា៕
